د پنجشیر د مقاومت جبهه د ۴۰ طالبانو د اسیرولو ادعا کوي
په پنجشېر کې د طالبانو خلاف د مقاومت جبهې د پنجشېر په عنابه دره کې د طالبانو خلاف د پراخو عملياتو ادعا کړې ده.
په پنجشېر کې د طالبانو خلاف د مقاومت جبهې د پنجشېر په عنابه دره کې د طالبانو خلاف د پراخو عملياتو ادعا کړې ده.
تاند خبري سایټ لیکلي چې يادې جبهې په يوه اعلاميه کې ويلي،چې دغه عمليات يې د پنجشېر په عنابه دره کې کړي.
سرچينه زياتوي،په دې عملياتو کې ۵طالب جنګيالي وژل شوي،۳ټپيان او ۴۰ نور اسیران شوي دي.
يادې جبهې په خپله ويب پاڼه کې د اسیر شويو طالب جنګياليو عکسونه هم خپاره کړي،چې د مقاومت ډلې له جنګياليو سره يو ځای ښودل کېږي.
د دغو طالبانو د مړګ ژوبلې او اسارت خبره د بې واکه شوي ولسمشر محمد اشرف غني لومړي مرستيال او د مقاومت جبهې يوه مخکښ امرالله صالح هم خپور کړی.
خو د طالبانو د واکمنۍ عمومي ویاند ذبیح الله مجاهد وايي،چې دویپه پنجشیرکې هیڅ کومه نظامي پیښه نه لري.
د هغه په وينا،هلته طالبانو ته د تلفاتو یا ژوندي نیولو ادعا حقیقت نه لري.
طالب ویاند زیاتوي:«دښمن په هغه موقف کې نه دی چې داسې څه وشي کولای.»
