په افغانستان کې چینایي شرکتونه د کانونو په برخه کې پانګونه کوي
زمونږ خبریال وايي دا ځل دوه چینایي شرکتونه په غزني ولایت کې د کانونو په برخه کې پانګونه کوي.
د غزني د کانونو او پټرولیم ریاست چارواکو خبر ورکړی چې دوه چینایي شرکتونه د دې ولایت د (مقر) ولسوالۍ په (رزکشان) او (ناهور )ولسوالۍ کې د لیتیم کانونو نمونې له ځان سره وړې چې په دې دوو کانونو کې پانګونه وکړي.
د غزني ولایت د کانونو او پټرولیم د ریاست مشر مولوي حضرت یوسف صهیب په خبره چې یاد دوه کانونه په میلیونونو امریکایي ډالرو پانګونې ته ضرورت لري او د یادو دوو کانونو استخراج کولای شي، چې د افغانستان اقتصادي مشکلاتو ته تر ډیره مرسته وکړي.
د نوموړي په خبره اوس هم د غزني په (۲۵) کانونو کې د استخراج چارې روانې دي چې په روان کال کې (۱۸)نور نوي کانونه هم په دې ولایت کې کشف شوي دي.
نوموړی زياتوي چې یاد کشف شوي کانونه د (مرمر او رخام ډبرو، سلفر، ډبرو سکرو ) او نورو قېمت بیو توکو کانونه دي چې راتلونکي کال کې به دوی د استخراج چارې پیل شي.
