د طالبانو حکومت له جاپانه د تحصیلي بورسیو غوښتنه وکړه

په افغانستان کښې د طالبانو د حکومت د لوړو زدکړو وزیر د جاپان له سفیر سره په کتنه کښې د افغان محصلینو لپاره د تحصیلي بورسونو(سکالرشپونو) په برخه کښې د اسانتیاؤ د زیاتیدو غوښتنه وکړه.

په افغانستان کښې د طالبانو د حکومت د لوړو زدکړو وزیر د جاپان له سفیر سره په کتنه کښې د افغان محصلینو لپاره د تحصیلي بورسونو(سکالرشپونو) په برخه کښې د اسانتیاؤ د زیاتیدو غوښتنه وکړه.

په افغانستان کښې د طالبانو د حکومت د لوړو زده کړو وزیر په کابل کښې د جاپان له سفیر تاکاشي اوکاتا سره په کتنه کښې له ټوکیو وغوښتل چې په درملیزو مرستو او انساني مرستو پر وړاندې کولو سربیره، د زده کړې او تحصیلاتو او د تجربه کارو استادانو او تحصیلي بورسونو په برخو کښې هم له افغانستان سره ملګرتیا وکړي.

په دغې کتنې کښې د جاپان سفیر هم د تحصیلي اړیکو په رامینځته کولو او د دواړو هیوادونو ترمینځ دعلمي او تحقیقاتي تجربو په شریکولو باندې ټینګار وکړ.

هغه هم داشان څرګنده کړه چې جاپان د افغانستان د خلکو ترڅنګ ولاړ دی او له دغه هیواد سره به خپلې انساني مرستې جاري وساتي.