طالبان له ټولو هیوادونو سره د ښو اړیکو غوښتونکي دي
تسنیم خبري اژانس راپور راکړی د طالبانو د موقته حکومت د ادارې مرستیال عبدالسلام حنفي په کابل کښې د جاپان له سفیر سره په کتنه کښې د متقابل احترام پراساس له ټولو هیوادونو سره د ښو اړیکو ټینګولو ته د طالبانو د حکومت په دلچسپۍ ټینګار وکړ.
د طالبانو د کابینې د اداري مرستیال عبدالسلام حنفي پرون په کابل کښې د جاپان له سفیر تاکاشي اوکادا سره په کتنې کښې په تیرو وختونو کښې د افغانستان له خلکو او حکومت سره د جاپان په مرستو او ملاتړونو باندې د خوښې په څرګندولو سره وویل د طالبانو حکومت له ټولو هیوادونو سره د ښو اړیکو او د خبرو او د تفاهم له لارې د مشکلاتو د حل کولو غوښتونکی دی.
د دوه زره یویشتم میلادي کال د مي د میاشتې په پینځلسمه نیټه افغانستان کښې واک ته د طالبانو له بیا رسیدا راهسې جاپان په هغو هیوادونو کښې شامل دی چې د افغانستان له خلکو سره یې خپلې مرستې نه دي بندې کړي.
په کابل کښې د جاپان سفیر هم د طالبانو د کابینې له لوړرتبه غړي عبدالسلام حنفي سره په کتنه کښې هیله وکړه چې د افغانستان حکومت د شلو مرسته کونکو هیوادونو تر غونډې پورې چې ټاکل شوي ده په قطر کښې وشي د نړیوالې ټولنې د غوښتنو د اجرا کولو لپاره پرمختګ ولري.
مخکې په کابل کښې د جاپان سفیر تاکاشي اوکادا د طالبانو د حکومت له خارجه وزیر سره په کتنه کښې ویلي وو ټوکیو د نظرونو له اختلاف سره سره چې له کابل سره یې لري له طالبانو سره د تعامل پلوي دی.
هغه ویلي وو چې جاپان به له افغانستان سره بشر دوستانه مرستې او د پراختیا ملګرتیاوې له سیاسي مسائیلو سره اړونده نکړي.
