د اسټرالیا جنایتکاره پوځيان تراوسه نه دي محاکمه شوي
زمونږ خبریال راپور راکړی د اسټرالیا هغه پوځیان چې په افغانستان کښې یې جنایتونه کړي و تراوسه نه دي محاکمه شوي.
د مستندو تحیقاتو پراساس د اسټرالیا پینځویشتو پوځیانو له دوه زره پینځم میلادي کال څخه تر دوه زره شپاړسم میلادي کال پورې د افغانستان کابو نهه دیرش کروندګر او بندیان د امریکا په مشرۍ د ناټو تړون په جنګ کښې وژلي وو.
اسټرالیا یو وخت ویل د دغو پوځیانو په جنایت غور کوي خو اوس وايي د اسټرالیا د پوځیانو میډالونه چې د افغانستان په جنګ کښې یې ګډون کړی و بیرته اخیستل کیږي خو دغه چاره د افغانستان د خلکو لپاره هیڅ قانع کونکي نه ده.
د افغانستان خلک د خپل هیواد او په نړیوالو عادلانه محکمو کښې د اسټرالیا د دغو جنایتکاره عسکرو د محاکمه کیدا او د ګرمې د ترلاسه کولو غوښتونکي دي.
د اسټرالیا پوځیان په افغانستان باندې حملې کښې د امریکا د عسکرو متحدان وو.
د امریکا پوځیان له شل کاله نیواک او د بې شمیره جنایتونو له ترسره کولو او د اقتصادي بیخ بنایانو له تباه کولو وروسته په نهایت کښې په ډیر شرم او ماتي خوړلو سره د دوه زره یویشتم میلادي کال د اګست په اخر کښې له افغانستان څخه ووتل.
