له نړیوالو پر طالبانو د لګیدلو بندیزونو د لرې کېدو غوښتنه
په افغانستان کې د طالبانو د حکومت د بهرنیو چارو سرپرست وزیر له نړیوالو غوښتي چې پر دوی لګول شوي بندیزونه لري کړي.
له نړیوالو پر طالبانو د لګیدلو بندیزونو د لرې کېدو غوښتنه
په افغانستان کې د طالبانو د حکومت د بهرنیو چارو سرپرست وزیر له نړیوالو غوښتي چې پر دوی لګول شوي بندیزونه لري کړي.
امیرخان متقي چې تېره ورځ یې د اتلس افغانانو د فاتحې په مراسمو کې وینا کوله، زیاته کړې، که نړیوال پر دوی لګیدلې بندیزونه لري کړي، نو افغانان به وکولای شي چې په افغانستان او له افغانستان بهر خپلو اړتیاوو ته په ښه توګه رسیدګي وکړي.
دغه اتلس افغانان له بلغاریا نورو اروپایي هېوادونو ته په لاره په یوه کانټینر کې د هوا د کمښت له امله وژل شوي وو.
د طالبانو د بهرنیو چارو وزیر امیرخان متقي د قربانیانو خپل خپلوانو ته په خبرو کې وویل: "موږ د جسدونو د انتقال لپاره یوه ځانګړې الوتکه چمتو کړه، خو اجازه ورنه کړل شوه. دوه ځلې هغه پیسې چې د جسدونو په راوړلو لګېدې، مستردې شوې."
د طالبانو د بهرنیو چارو سرپرست وزیر په خپلو څرګندونو کې یو ځل بیا پر ټولو افغانانو غږ وکړ چې په خپل هېواد کې دې پاتې شي او که بهر ته هم ځي او راځي له قانوني لارو دې کار واخلي.
