روسیې په افغانستان کې پانګونې ته چمتوالی وښود
د افغانستان د طالبانو د صنعت او سوداګرۍ وزارت وایي، د روسیې د سوداګرۍ پلاوي په افغانستان کې د پانګونې په برخه کې د چمتوالي ډاډ ښودلی.
د افغانستان د طالبانو د صنعت او سوداګرۍ وزارت وایي، د روسیې د سوداګرۍ پلاوي په افغانستان کې د پانګونې په برخه کې د چمتوالي ډاډ ښودلی.
د دغه وزارت څخه په خپره شوې اعلامیه کې ویل شوي چې د صنعت او سوداګرۍ وزارت مرسیتال مولوي قدرت الله جمال د روسیې څخه افغانستان ته تللي د سوداګرو پلاوي سره لیده کاته او خبرې اترې ترسره کړي.
د دغه پلاوي مشر الګ کندي یوویچ ویلي چې هېواد یې چمتو دی چې د عام المنفعه، برېښنا او کرهنې برخه کې په افغانستان کې د پروژو د تطبیق په برخه کې پانګونه وکړي.
نوموړي دغه راز وړاندیز کړی چې د سوداګرو لپاره د سهولتونو د رامنځته کېدو په موخه دې په دواړو هېوادونو کې ګډې سوداګریزې استازولۍ جوړي شي، ترڅو د تولیداتو صادراتو برخه کې ورسره مرسته وشي.
