په کندوز کې د کانګو ناروغۍ درې تنه وژلي دي
په همدې حال کې د دغه ولايت قصابان وايي چې د دې ناروغۍ د خپرېدو له امله يې پلور کم شوى او خلک د څارويو د غوښې له کارولو وېره لري.
د افغانستان د کندوز د عامې روغتیا ریاست چارواکي وايي، په روان کال کې د کانګو ناروغۍ ۲۸ پېښې ثبت شوي، چې له ډلې یې درې تنه مړه شوي دي.
افغان غږ خبری آژانس راپور ورکوی د کندز د عامې روغتیا رییس وايي چې د دغه ولایت په تخصصي روغتون کې یې د کانګو ناروغۍ د درملنې لپاره ځانګړې څانګه فعاله کړې او اوس په کندز کې د کانګو ناروغانو درملنه کیږي.
په همدې حال کې د دغه ولايت قصابان وايي چې د دې ناروغۍ د خپرېدو له امله يې پلور کم شوى او خلک د څارويو د غوښې له کارولو وېره لري.
د چرګانو د غوښې پلورونکي وايي چې په دې وروستیو کې په کندز کې د چرګانو د غوښې د پېرلو او کارولو بازار ډېر شوی دی.
خو ډاکټران وايي، د حیواناتو د مسلکي ذبحې او له هغوی سره د تماس په صورت کې د کانګو تبې د خپرېدو مخه نیول کېدای شي.
د يادونې وړ ده، چې په دې وروستيو کې د افغانستان په بېلابېلو ولايتونو کې د کانګو ناروغي ډېره شوې ده.
