د چین شارډز افیر د افغانستان حالات ښه وبلل
تسنیم خبري اژانس راپور راکړی په افغانستان کښې د چین شارډز افیر ژائو هاین» د هیواد په اوسنیو حالاتو غور وکړ.
هغه په دې خبرې سره چې په افغانستان کښې د طالبانو حکومت د اقتصادي پراختیا ، د فساد د جرړه د ایستلو ، په نشه ئیزو موادو د بندیز او د خلکو د اقتصاد د ښه کولو او د ټولنیز امنیت د تامینولو په شان برخو کښې عملي اقدامات ترسره کړي دي وویل نړیواله ټولنه باید په دې هکله یوه منصفانه او عیني جاجونه وړاندې کړي.
په کابل کښې د چین شارډز افیر ژائو هاین له ګلوبل ټایمز ورځپاڼې سره په مرکه کښې وویل د افغانستان حالات سوکه سوکه د ښه کیدا په حال کښې دي ، اقتصادي او ټولنیزه پراختیا سوکه سوکه د ودې په حال کښې ده او د بهرنيو اسعارو(ډالرو) بیې ثابتې شوي دي او ځینې بیخ بنايي پروژې، او اوبو او انرژۍ ته اړونده پروژې په فعال ډول د پرمختګ په حال کښې دي او له ګاونډیو هیوادونو سره تجارت په دوامداره توګه د پراختیا په حال کښې دی.
هغه د افغانستان په هکله د رسنیو پروپاګنډو ته په اشارې سره وویل د ځینو لویدیځو رسنیو په راپورونو کښې داسې ښکاري چې افغانستان د اقتصادي دړې وړې کیدا په درشل کښې دی او په ټول هیواد کښې خلک له لوږې مري خو که چیرې څوک د افغانستان لوی ښارونه وویني نو حقیقت کاملا بل څه دی.
