د افغانستان په ختیځو ځنګلونو کې اور لګېدلی
د افغانستان د نورستان ولایت سیمه ییزو چارواکو د دغه ولایت په ځنګلونو کې د اور لګېدنې خبر ورکړی.
د افغانستان د نورستان ولایت سیمه ییزو چارواکو د دغه ولایت په ځنګلونو کې د اور لګېدنې خبر ورکړی.
له کابل څخه د صدا او سیما خبري اژانس د راپور له مخې؛ د افغانستان په ختیځ کې د نورستان ولایت د کرنې رئیس سلیمان ایمان خبر ورکړ چې د یکشنې په ورځ د نورستان په برګمټال سیمې په ځنګلونو کې اورلګیدنه تر اوسه دوام لري.
هغه زياته کړه: "له دې امله چې اور لګېدنه اوس هم دوام لري، تر اوسه د اوښتو زیانونو کچه هم روښانه نده.
دغه ځايي چارواکي وويل: دوه سوه ځايي اوسېدونکي هڅه کوي چې اور کنټرول کړي، خو تر اوسه نه دي بريالي شوي."
د دغې اورلګېدنې لامل لا هم معلوم نه دی.
شاوخوا دوه مياشتې وړاندې هم د دغه ولايت د کامدیش ولسوالۍ په ځنګلونو کې د اور لګېدو له امله په لسګونه هکتاره ځمکه کرل شوي ځنګلونه لمنځه ولاړل.
د افغانستان ختيځ ولايتونه په ځانګړې توګه نورستان، کونړ او ننګرهار ځنګلونه لري چې د لوړ کیفیت لرونکي لرګي یې په ساختماني چارو کې اسعتمالیږي.
