له آلمان څخه د سلګونو افغان کډوالو ویستل
د روان کال په لومړۍ نیمايي کې جرمني څه باندې ۶۵۰ افغان او ۴۰۰ سوریايي کډوال له دغه هېواده ویستلي دي.
د روان کال په لومړۍ نیمايي کې جرمني څه باندې ۶۵۰ افغان او ۴۰۰ سوریايي کډوال له دغه هېواده ویستلي دي.
د افغان غږ(آوا) آژانس د خبر له مخې، له آلمان څخه په شړل شویو کسانو کې ۶۲ افغانۍ او ۷۴ سوریي میرمنې شامل دي.
ویل کیږي چې دغه کسان د «ډبلین» د قانون پر بنسټ ایستل شوي؛ هغه قانون چې له مخې یې کډوال باید په هغه هېواد کې د پناه غوښتنه وکړي چې اروپا ته د ننوتلو پر مهال ورته تللي وي.
تر دې مخکې د آلمان د باډن وورتمبرګ ایالت د عدلیې وزیرې ماریون ګینټز د هغو افغان کډوالو پر شړلو ټینګار کړی و چې دغه هیواد ته ګواښ بلل کیږي.
جرمني چارواکو ویلي، وروسته له هغه چې طالبانو د ۲۰۲۱ کال په اګست میاشت کې افغانستان ونیوو، له ګڼو نورو هېوادونو څخه یې سلګونه افغانان جرمني ته ولیږدول.
