د افغانستان پرضد بایکاټونه له ترهګرۍ سره د مبارزې خنډ دي
زمونږ خبریال راپور راکړی په افغانستان کښې د ایران د اسلامي جمهوریت سفیر حسن کاظمي قمي ټينګار وکړ د افغانستان پرضد بایکاټونه له نشه ئیزو موادو او ترهګرۍ سره د مبارزې لپاره جدي خنډ دي.
په افغانستان کښې د امریکا له پوځي شتون راهسې په دغه هیواد کښې د نشه ئیزو موادو کر او تولید لس برابره شوی دی.
په افغانستان کښې د ایران د اسلامي جمهوریت سفیر حسن کاظمي قمي په افغانستان کښې د ملګروملتونو د سرمنشي د ځانګړي استازي له مرستیال «مارکوس پوتزل » سره په کتنه کښې د افغانستان پرضد د بایکاټونو د ختمیدا غوښتنه وکړه.
کاظمي قمي په دغه کتنه کښې د افغانستان له کړکیچونو د وتلو لپاره د سیمې د هیوادونو په چورلیزتوب سره د ګډې او د څو اړخیزه ډيپلوماسۍ په پیاوړتیا ټینګار وکړ.
په افغانستان کښې د ایران د اسلامي جمهوریت سفیر حسن کاظمي قمي په ایکس اینټرنیټ پانې کښې په یوه پیغام خپرولو سره ولیکل په دغه کتنه کښې له سیمې د ورهاخوا هیوادونو په تیره بیا د امریکا د ځواب د ویلو چې د افغانستان د اوسنیو شرایطو مسوول دي ټینګار وکړ دغه راز په نړیوالو نوښتونو کښې د سیمې له ورهاخوا هیوادونو د هرډول رغنده مشارکت په هکله شک څرګند کړ.
