د هرات د امنیتي خبرو اترو ۱۱یولسمه غونډه پیل شوه
په دې غونډه کې به د افغانستان د وضعیت، ګواښونو، ننګونو، محدودیتونو او توجیهاتو، د جنسیتي تبعیض په ګډون د بهرنیو هېوادونو د رول او د دغه هېواد له خلکو سره د هغوی د بشري مرستو په اړه خبرې وشي. په دې غونډه کې د طالبانو استازي هم رابلل شوي وو، خو د دې اقدام په اړه کوم غبرګون نه دی ښودل شوی.
د هرات د امنیتي خبرواترو ۱۱ مه غونډه د تاجکستان په پلازمېنه دوشنبه کې د سیاسي شخصیتونو، د ۲۰ هېوادونو او نړیوالو سازمانونو د استازو په شتون کې پیل شوه.
په دې غونډه کې به د افغانستان د وضعیت، ګواښونو، ننګونو، محدودیتونو او توجیهاتو، د جنسیتي تبعیض په ګډون د بهرنیو هېوادونو د رول او د دغه هېواد له خلکو سره د هغوی د بشري مرستو په اړه خبرې وشي. په دې غونډه کې د طالبانو استازي هم رابلل شوي وو، خو د دې اقدام په اړه کوم غبرګون نه دی ښودل شوی.
له ۲۰۱۲ کال راهیسې هر کال په هرات کې د امنیتي خبرو اترو غونډه جوړیږي.
د فارس خبري اژانس د راپور له مخې په تاجکستان کې د افغانستان او سیمه ییزو مطالعاتو د مرکز په نوښت د "هرات امنیتي ډیالوګ" ۱۱ مه دوه ورځنۍ غونډه د څه باندې ۲۰۰ افغان سیاسي او ټولنیزو شخصیتونو، بهرنیو سفیرانو او دیپلوماتانو او د بېلابېلو هېوادونو د علمي او اکاډمیکو بنسټونو د استازو په ګډون جوړه شوه.
په تاجکستان کې د افغانستان او سیمه ییزو مطالعاتو د مرکز مشر قاسم شاه سکندراف د دغې غونډې د پرانیستې په مراسمو کې وویل چې د دغه اقدام هدف د افغانستان ستونزې ته په سوله ییزه توګه د حل لارې موندلو په هدف د کارپوهانو خبرې دي.
دغه راز د افغانستان د ستراتيژيکو مطالعاتو د انستيتوت د مشورتي شورا رييس ا "رنګين دادفر سپنتا" هم د تاجکستان له دولت څخه د دغې غونډې د ترسره کولو د زمينې د برابرولو له امله مننه وکړه .
سپنتا د افغانستان د ګاونډیانو پر رول هم ټینګار وکړ او ویې ویل: تر څو چې په افغانستان کې رښتینې سوله رامنځته نه شي، د سیمې هېوادونه به د رښتینې ثبات او سولې احساس ونه کړي او د دې ترڅنګ د ګاونډیو هېوادونو له مرستې پرته افغانستان رښتینې سولې ته نه شي رسېدلی.
