طالبانو د ایران پر وړاندې د صهیونیستي رژیم برید غندلی
د طالبانو ویاند ذبیحالله مجاهد وایي، د افغانستان اسلامي امارت د اسرائیلو رژیم لخوا د ایران اسلامي جمهوریت پر خاورې وروستي بریدونه او د پوځي قوماندانانو او اټومي پوهانو وژنې، چې د نړیوالو قوانینو د بنسټیزو اصولو، په ځانګړې توګه د هېوادونو د ملي حاکمیت او ارضي بشپړتیا ښکاره نقض دی، په کلکه غندي.
نوموړي زیاتوي، دا بریدونه په داسې حال کې ترسره شوي چې د فلسطین مظلوم ولس، په تېره بیا په غزې تړانګه کې، لا هم د دوامداره او ویجاړونکو بریدونو قرباني دی، او اشغالګر رژیم د بشري او نړیوالو اصولو له پروا ساتلو پرته دا لړۍ جاري ساتلې.
ذبیح الله مجاهد وایي، له بده مرغه، د داسې کړنو دوام د سیمې وضعیت نور هم نازک او اندېښمنوونکی کړی دی.
د طالبانو ویاند وایي، د افغانستان اسلامي امارت له ټولو اړوندو خواوو غواړي چې په مسؤلیت سره او د سیمهییزې سولې او امنیت د ساتنې په موخه، دې موضوع ته پام وکړي او د سیمې د لا ناامنۍ او بېثباتۍ د پراخېدو مخه ونیسي.
