تکفیری ترهه ګرۍ ډلې هڅه کوی افغانستان پخپل پټنځای بدل کړی
زمونږخبریال دصدای افغان خبری آژانس له قوله راپور راکړ دافغانستان ولسمشر اشرف غنی بیګا په کابل کې د دیره بهرنیو هیوادونو دسفیرانو او دسیاسی نمایندګیو له مشرانو سر ه په کتنې کې وویل ، تکفیری ډلې هڅه کوی د دغه هیواد په ناکراره کولو سره دسیمې اونړۍ امنیت هم ګډ وډ کړی .
اشرف غنی همدارازپه کابل کې دتیرې چارشنبې ورځې چاودنې ته په اشارې سره وویل ، په هیواد کې دغه ډول چاودنې دسولې اوثبات دټینګولو او دامنیت دتامینولو لپاره دکابل هلې ځلې نشی پیکه کولئ .
دافغانستان ولسمشر روښانه کړې دملی وحدت حکومت له ډیرو زیاتو چیلنجونو او مشکلاتو سره سره د امنیت دتامینولو او دسولې اوثبات دټینګولو په لاره کې ډیر اغیزمن او عملی ګامونه پورته کړی دی او هغو کسانوته به چې جنګ غواړی خوی لری ، دفاعی او امنیتی ځواک غاښ ماتونکی ځواب ورکړی .
هغه همداراز وئیلی دی ، له دغه ډول چاودنو سره سره ، دکابل سولې غونډه به پخپل ټاکلی وخت ترسره شی . البته اشرف غنی د دغې غونډې وخت ته کومه اشاره ونکړه .
دکابل په وزیر اکبر خان سیمې کې دتیرې چارشنبې په ورځې په یوې بوږنونکی چاودنې کې چې پړه ئې هم داعش تکفیری ترهه ګرې ډلې په غاړه اخستې ده ، څه دپاسه سل کسان وژل شوی او کابو پنځه سوه نور ټپیان شوی چې د روژې په مبارکې میاشتې کې دغه ډول بوږنکی جنایت دافغان ولس ، اوشخصیتونو او دغه راز د ایران داسلامی جمهوریت پشمول د بیلابیلو هیوادونو سخته غوسه اوکرکه راپارولې ده .
