د افغانستان د مشکلاتو د هواری لپاره د روسیې ډېپلومېسی
ټاکلې شوې ده روسیه د افغانستان د مسائلو او مشکلاتو د هواری لپاره د نېټو د غړیو هېوادونو له استازیو سره خاصه غونډه جوړه کړی.
له کابله زمونږ د خبریال د رپوټ له مخې د افغانستان ډله ایزو رسنیو د افغانستان په چارو کښې د روسیې د خاص استازی په نقل وویل: ټاکل شوې دې ده د روسیې او نېټو د غړیو هېوادونو استازی د سږ کال د اکتوبر د روانې میاشتې په شپږویشتمه نېټه په بروکسل کښې د افغانستان د مسائلو او مشکلاتو د هواری لپاره خاصه غونډه جوړه کړی چې د دغه هېواد د ستونزو د هواری لارې چارې پکښې وڅېړلې شی.
هغه زیاته کړه: د روسیې استازے به په دغه غونډه کښې د افغانستان اوسنے حالت بیان کړی.
دا په داسې حال کښې دی چې څو ورځې مخکې هم د عمان پائېتخت مسقط کښې له طالب ډلې سره د کابل د سولې د خبرو اترو د زمینې د برابرولو په هدف سره د افغانستان، پاکستان، امریکې او چین څلور اړخیزه غونډه وشوه.
