د حزب اسلامی نور بندیان خوشی کیږي

تسنیم خبری اژانس وایی دافغانستان د ولسمشرۍ ماڼې د ګلبدین حکمتیار په مشرۍ د حزب اسلامی د دوه سوه نهه شپیتو(۲۶۹) بندیانو له خوشی کولو سره موافقت وکړ.

دافغانستان له حزب اسلامی سره د حکومت د سولې د موافقې پراساس ټاکل شوی ده چې دغه سیاسی بندیان له ترهګرو فعالیتونو د ډډه کولو په شرط د حکومت لخوا  خوشی شی .

تراوسه د افغانستان دحزب اسلامی ګڼ شمیر سیاسی بندیان دحکومت لخوا دکابل له مرکزی زندان څخه خوشی شوی دی .

داپه داسې حال کښې دی چې دافغانستان ځینو چارواکو په جنوب کښې د حزب اسلامی د ازاد شویو بندیانو لخوا دترهګرو فعالیتونو ددوام په اړه اندیښنه څرګنده کړی ده .

د قندهار د پولیسو قوماندان جنرال عبدالرازق ویلی دی دحزب اسلامی خوشی  شویو بندیانو په دغه ولایت کښې ترهګر فعالیتونه له سره پیل کړی دی او د ناامنۍ دزیاتیدا سبب شوی دی .