د افغان شيعه ؤ او ايران په خلاف د حکمتيار موقف
د افغانستان د ولسي جرګې غړي وويل: د افغانستان د حزب اسلامي مشر د امريکې، اسرائيلو او آل سعودي د خوشحالولو لپاره نفاق ته لمن وهي او د شيعه ؤ او د ايران د اسلامي جمهوريت په خلاف دريځ نيونه کوي.
د تسنيم خبري اژانس د رپوټ له مخې په افغان پارلېمان کښې د بدخشان استازي او د دغه هېواد حزب کنګره ملي مشر نن په کابل په يوه غونډه کښې د حزب اسلامي مشر ګلبدين حکمتيار قومي او مذهبي اختلافاتو ته په لمن وهلو تورن کړ.
عبدالطيف پدرام زياته کړه، د شيعه ؤ او د ايران د اسلامي جمهوريت په خلاف د حزب اسلامي د مشر دريځ نيونه د امريکې، د قدس د غاصب رژيم او د ځينو عربو هېوادونو د خوشحالولو لپاره کيږي.
د افغانستان د حزب کنګره ملي مشر همدارنګ د حکمتيار لخوا کړې شويو ګواښونو ته په اشارې سره وويل، که د حزب اسلامي مشر قوت ولري نو هغه جنګي جنايتونه چې په تېرو وختونو کښې يې کول بيا به يې ترسره کړي.
هغه واقضه کړه چې حکمتيار د امريکې لخوا د جنګ شروع کولو او د افغان ولس د قتل عام لپاره کابل ته راغلے دے.
