دافغانستان ګاونډیان دسولې لپاره ګامونه پورته کولای شی
-
امریکا له افغانستان څخه دعسکرو د ایستلو لپاره د مهال ویش د ټاکلو په شمول د طالبانو هیڅ غوښتنې ته ځواب نه دی ورکړی .
دافغانستان د سیاسی چارو کارپیژاند وحید مژده زمونږ له خبریال سره په مرکه کښې په هیواد کښې د امنیت او ثبات په ټینګولو او دسولې په تحقق کښې د سیمې او د ګاونډیو هیوادونو رول اهمیت لرونکی وباله .
هغه ټینګار وکړ امریکا دافغانستان مشکلات نشی حل کولای ځکه چې واشنګټن د خپلو ګټو په چوکاټ کښې په افغانستان کښې دجنګ د دوام کوشش کوی .
د افغانستان کارپیژاند وحید مژده په دې خبرې سره چې په هیواد کښې د سولې ، د امنیت او د ثبات تحقق د ګاونډیو او دسیمې دهیوادونو له ګډون پرته امکان نلری وویل ګاونډی هیوادونه د خبرو له لارې د مشکلاتو او د اختلافاتو په حل کولو کښې د افغانستان له خلکو سره ګټوره مرسته کولای شی .
هغه د قطر په دفتر کښې له طالبانو سره د افغانستان دسولې په چارو کښې دامریکا داستازی زلمی خلیل زاد وروستیو خبرو ته په اشارې سره وویل دواړه لوری تراوسه د باور د جوړولو مرحلې ته نه دی رسیدلی ځکه چې امریکا له افغانستان څخه دعسکرو د ایستلو لپاره د مهال ویش د ټاکلو په شمول د طالبانو هیڅ غوښتنې ته ځواب نه دی ورکړی .
