د کابل په ختيځ کښې چاودنې مرګ ژوبل رامنځته کړه

د افغانستان د کابل ولايت په سروبي ولسوالۍ کښې د چاودنې له امله شپاړس تنو ته مرګ ژوبله اورسېده.

زمونږ د خبريال د رپوټ له مخېد کابل په ختيځ کښې د سروبي ولسوالۍ پوليسو وويل، دغه چاودنه نن ماسپښين هغه وخت رامنځته شوه چې د عامه سورلو د موټر د تېرېدو په لار کښې يو د سړګ غاړې  مائن وچاودۀ او له امله يې پينځه عامه کسان ووژل شو او يولس نور هم ژوبل شول.

د دغه رپوټ له مخې د دغې چاودنې يو شمېر مړۀ او ژوبل کسان ښځې او ماشومان دي.

د سروبي ولسوالۍ ولسوال د دغه مائن اېښودو ذمه وار طالبان بللي دي.