د کاپیسا مرستیال والي په یو برید کښې ووژل شو
د کابل امنيه قوماندانۍ په يو وسله وال بريد کښې د کاپیسا د مرستيال والي د وژل کېدو خبر ورکړ.
زمونږ د خبريال د رپوټ له مخې دکابل امنیه قوماندانۍ ویاند وایي وسله والو مخالفینو دپروان ولایت د قره باغ ولسوالۍ د کلکان په سیمه کې د کاپيسا ولایت د اداري مرستیال نجیب الله ساپي په موټربرید وکړ چې له امله یی نوموړے او د یاد ولایت د امنیه قوماندانۍ دمخابرې یو کارمند وژل شوي او دامنیه قوماندانۍ ملکي مرستیال مصطفی کوهستاني ژوبل شوے دے .
دکابل امنیه قوماندانۍ ویاند ویلي چې د پیښی په تړاو څوک نه دي نیول شوي خو پر وینا پلټني یي پیل کړي دي . تر اوسه د دولت کومی مخالفی ډلې د دې برید مسئولیت په غاړه نه دے اخیستې . په دې وروستیو کښې د کابل پروان لویه لار د نا منیو د ګڼو پیښو شاهده ده څه وخت وړاندی په یو غلچکي وسله وال برید کې د لویی څارنوالۍ پنځه تنه کارکوونکي د بګرام زندان په لاره و ووژل شول.
