طالبانو ۲۲ تنه افغان حکومتي ځواکونه خوشې کړل

طالب ډلې د افغانستان د حکومتي ځواکونو له بندیانو څخه دوویشت تنه نور آزاد کړل.

د ایرنا د خبر له مخې د طالبانو ویاند ذبیح الله مجاهد وویل: د افغانستان دغه ۲۲ تنه حکومته ځواکونه په قطر کښې له حکومت سره په خبرواترو کښې د دې ډلې د ښه نیت د څرګندولو په موخه  پرون په هلمند ولایت کښې آزاد کړې شول.

هغه د افغانستان له حکومته وغوښتل چې له رامینځته شوي فرصته ګټه پورته کړي او د دې ډلې شان مثبت ګامونه واخلي.

د ویلو ده چې د طالب بندیانو او بیا د دغې ډلې په بندي خانو کښې د افغانستان د حکومتي ځواکونو د آزادولو په بهیر کښې ځنډ د دغه هیواد د صلحې د مذاکراتو د پیلیدو ستر خنډونه وو.