روسیه د افغانستان د سولې په خبرو کښې مهم رول لري
تسنیم خبري اژانس وايي د افغانستان د خارجه وزارت سرپرست محمد حنیف اتمر له طالبانو ډلې سره د سولې له خبرو په ملاتړ کښې د روسیې رول مهم او اغیزشیندونکی وباله .
هغه نن په کابل کښې د روسیې له سفیر دیمیتري ژیرنوف سره په کتنې کښې د دواړو هیوادونو اړیکو ته په اشارې سره وویل له طالبانو ډلې سره د افغانستان د حکومت د سولې له خبرو اترو د روسیې ملاتړ به د دغو خبرو اترو په بریالیتوب کښې مثبت اغیز ولري .
د افغانستان خارجه وزارت وویل د روسیې او د افغانستان چارواکو په دغه کتنې کښې د اړیکو د پراختیا د لارو چارو ، د اووربند د ټینګیدا په ضرورت ، د تاوتریخوالو په کمیدا او د افغانستان د سولې د بهیر د څارنې د مکانیزمونو په هکله د نظر تبادله وکړه .
په افغانستان کښې د روسیې سفیر دیمیتري ژیرنوف د خارجه وزارت له سرپرست حنیف اتمر سره په کتنې کښې په تیرو شلو (۲۰) کلونو کښې د کابل د حکومت او د خلکو د بریاو په ساتنې د ټینګار په ترڅ کښې وویل د طالبانو او د حکومت ترمینځ د خبرو اترو پیلیدل په دغه هیواد کښې د دائمي سولې د ټینګیدا لپاره مثبت ګام دی .
