هلمند کښې ګڼ شمیر طالبان مړه او ژوبل شوي
Oct 12, 2020 12:08 Asia/Kabul
زمونږ خبریال وايي د افغانستان په هلمند ولایت کښې له حکومتي عسکرو په نښته کښې یواویا(۷۱) طالبان وژل شوي دي .
د افغانستان د کورنیو چارو د وزارت ویاند طارق ارین نن وویل د هلمندولایت په نهر سراج او ناوه ولسوالیو کښې له حکومتي عسکرو سره په تیره ورځ سختو جنګونو کښې یواویا (۷۱) طالبان مړه شوي او یوشمیر نور ژوبل شوي هم دي .
طالبان د هلمند ولایت په نهرسراج او ناوه ولسوالیو کښې د پولیسو او د پوځ په مرکزونو باندې له حملو وروسته د حکومتي عسکرو له مقاومت سره مخ شول او د درنو مرګ ژوبلو وروسته شاتګ ته مجبوره شول .
د افغانستان د کورنیو چارو د وزارت ویاند طارق ارین په دغو جنګونو کښې د حکومتي عسکرو احتمالي مرګ ژوبلو ته هیڅ اشاره ونکړه .
سره له دې ځینو سرچینو پرون وویل چې د هلمند ولایت د لشکرګاه ښار یوه(۱) برخه طالبانو نیولي ده .
ټیګونه
