په کابل پوهنتون د برید یو پلانونکی په اعدام محکوم شو

د کابل پوهنتون د خونړۍ حملې یو پلانونکي ته په علني محکمه کښې د اعدام یا پانسۍ سزا واوروله شوه

د کابل پوهنتون د خونړۍ حملې یو پلانونکي ته په علني محکمه کښې د اعدام یا پانسۍ سزا واوروله شوه

پر کابل پوهنتون د عقرب په دیارلسمه ډله ییز برید وشو چې په لړ کې یې ۲۲ تنه ووژل شول او ۴۰ نور ژوبل شول.

له حملې وروسته د افغانستان حکومت د دغه برید په تړاو ۳ تنه ونیول او ویې ویل چې نیول شوي کسان پر کابل پوهنتون د حملې اصلي طراحان او پلانونکي دي.

د درو تنو له نیول کېدو وروسته د ولسمشر لومړي مرستیال امرالله صالح د وژل شویو کسانو له خپلوانو وغوښتل چې د حق العبدي دعوه ثبت کړي.

ولسمشر غني هم ویلي و چې نیول شوي کسان به په علني محکمه کې محاکمه شي.

له دغو دریو څخه په اعدام د محکوم شوي کس نوم عادل دی.