په غزنی کې یوې چاودنې ګڼ شمیر کسانو ته مرګ ژوبله اړولې

نن ماسپښین شاوخوا (۳:۰۰) بجې په غزنی کښې يوه چاودنه رامنځته شوه. چې مرګ ژوبلې يې لرلې دي.

دغزنې ولایت دوالی ویاند واحدالله جمعه زاده تهران راډیو ته وویل چې یاده چاودنه دسړک غاړي ماین له امله رامنځ ته شوه چې (۵) تنه ملکيان او دوه (۲) تنه پولیسان یې ټپیان او یو ملکی کس یې وواژه.

ویل کیږي چې یادې چاودنې شاوخوا دسیمې ذ هټيو او موټرونو ښیښې ماتې کړي .

جمعه زاده وایي چې کېدې شي دټپیانو شمیر تر دې هم زیات شي.

وسله والو طالبانو تر اوسه پورې د دې پیښې په اړه رسنیو ته څه نه دي ویلي .

باید وویل شي چې ورته چاودنې په ټول افغانستان کې هره ورځ په مختلفو ولایتونو کې ترسره کیږي چې ګڼ شمېرکسانو ته مرګ ژوبله پیښوي.