د افغانستان په جنوبي ولایت زابل کې چاودنه شوې

د زابل د ولایت ودانۍ ته څېرمه یوه چاودنه شوې چي پکښې د زابل د ولایتي شورا مشر ټپي شوی دی.

پرعطاجان حق بيان چاودنه نن د زابل د والي دفتر ته څېرمه د اطاق په چت کې د ځای پر ځای شوو چاوېدونکو توکو د چاودنې د امله رامنځته شوې.

يوه سرچينه وايي، چې چاودنه کې حق بيان سطحي ټپي دی او بل چاته زيان ندی اوښتی.

د زابل امنیتی مسوولينو او وسله والو تر اوسه په دې اړه رسنیو ته څه نه دي ویلي.