د لبنان اسلامي مقاومت غورځنګ حزب الله په اسرائیلي پوځیانو بریدونه وکړل
تسنیم خبري اژانس راپور راکړی د لبنان اسلامي مقاومت غورځنګ حزب الله وویل: په «الصدح» پوځي مرکز کښې یې د اسرائیلو په پلي پوځیانو باندې د توپونو ډزې کړي دي.
د لبنان حزب الله نن سهار وختي وویل د اسلامي مقاومت مجاهدینو په غزې تړانګه کښې د فلسطین د پایداره ملت په ملاتړ او د لبنان او د هغه د خلکو په دفاع کښې د دلیرانه مقاومت په حمایت کښې په الصدح پوځي مرکز کښې د اسرائیلو په پلي ځواکونو باندې نیغ په نیغه د توپونو ډزې وکړې.
په عین حال کښې د ملګروملتونو د کډوالو اژانس ایکس اینټرنیټ پاڼې کښې ولیکل: د هغو ملکي وګړو چې د اسرائیلو د حملو تر اغیز لاندې ورغلي شرایط ډیر خراب دي؛ او همدا اوس د لبنان څه د پاسه اویا زره خلک د اسرائیلو د حملو او د جنګ په هکله د اندیښنو له کبله له سیمې تښتیدلي او لس لکه ملکي وګړي کډوال شوي هم دي.
د لبنان لومړي وزیر نجیب میقاتي هم د دغه خبر په تائیدولو سره وویل: په لبنان باندې د اسرائیلو د حملو د دوام په دلیل د هیواد یوشمیر خلک په داخل کښې کډوال شوي دي.
د ملګروملتونو د خواړو نړیوال پروګرام د لبنان کډوالو ته د خوراکي موادو د رسولو لپاره په لبنان کښې د خپلو فعالیتونو د پراخولو خبر ورکړی دی.
