روسیه د ایران د سوله ایز ایټمی پروګرام بشپړ ملاتړ کوي
په ملګروملتو کې د روسیې نماینده د جامعې نړیوالې ایټمي موافقې په اجرا کې د لویدیځي هیوادونو په کارړنګونې په نیوکو سره ووئيل،د ایران سوله ایز ایټمی فعالیتونه له بل هر یوه هیواده زیات څارل شوي دي.
زمونږخبریال راپور راکوي، په ملګروملتو کې د روسیې استازي واسیلي نبنزیا امنیت شورا ته په یوه رسمي لیک لیږلو سره د جامعې نړیوالې ایټمي موافقې په بیرته احیاء باندې په ټيڼګار سره زیاته کړې ده ، دایران اسلامی جمهوریت د ایټمی انرژۍ په غړو هیوادونو کې له بل هر یوه غړي هیواده زیات ئې فعالیتونه په بشپړ ډول او له نزدې څارل شوي دي. او په انحصاري بڼه ئې د خپل ایټمي پروګرام د وضعیّت په باب مفصل اطلاعات آژانس ته وړاندې کړي دي،په داسې حال کې چې فرانسې، جرمني او انګلستان او امریکا دجامعې نړیوالې ایټمي موافقې د احیاء لپاره هڅې بې اغیزې کړي دي.
په ملګروملتو کې د روسیې نماینده زیاته کړې ده ، لویدیځي هیوادونه د امنیت شورا د د ۲۲۳۱پریکړه لیک او جامعې نړیوالې ایټمی موافقې په څرګندې خلاف ورزۍ کې له خپلو اقداماتو څخه د توجهاتو د منحرفولو لپاره په هڅې کې یو ډول شیطنت سره هڅه کوي ایران داسې وبریښوي چې دپروګرام د اجرا پّ باب د اوسني وضعیّت مسئول دی.البته دا هڅې په ماتې محکومې دي ،ځکه هیڅکله هم د ایټمي موافقې په اجرا کې دځنډيدا واقعي علت نشي پټولی چې له دغې موافقې د امریکای واړخیز وتل دي .
