چین په نایجریا کې د بهرنۍ لاسوهنې مخالفت کوي
د نایجریا په اړه د امریکا د ولسمشر ډونالډ ټرمپ د وروستیو څرګندونو په ځواب کې، د چین د بهرنیو چارو وزارت ویاندې د دیني او بشري حقونو د مسلو په پلمه د نایجریا په کورنیو چارو کې د هر ډول بهرنۍ لاسوهنې مخالفت کوي.
د چین د بهرنیو چارو وزارت ویاند ې ماو نینګ نن په یوه مطبوعاتي کنفرانس کې له نایجریا سره د امریکا د مرستو د بندولو او د دغه هېواد پر وړاندې د پوځي عملیاتو د ګواښ په اړه د امریکا د ولسمشر ډونالډ ټرمپ د څرګندونو په اړه د یوې پوښتنې په ځواب کې وویل: "د نایجریا د یو جامع ستراتیژیک ملګري په توګه، چین په کلکه د نایجریا حکومت د هغه پراختیایي لارې ملاتړ کوي چې د هغې ملي شرایطو سره سم وي." د چین د بهرنیو چارو وزارت ویاندې په ټینګار سره وویل: "بیجینګ له هر هغه هیواد سره په کلکه مخالفت کوي چې د نورو هیوادونو په کورنیو چارو کې د لاسوهنې لپاره د دین او بشري حقونو څخه د پلمې په توګه کار اخلي او دوی ته د بندیزونو او زور ګواښ کوي."
