د فلسطین حماس غورځنګ د غزې په هکله پریکړه لیک رد کړ
زمونږ خبریال راپور راکړی د فلسطین حماس غورځنګ د غزې په هکله د ملګروملتونو د امنیت شورا پریکړه لیک رد کړ او د اسرائیلو پرضد د وسلو په ځمکې کیښودلو یې انکار وکړ.
د فلسطین د حماس غورځنګ ویاند «حازم قاسم» وویل د غزې تړانګې په هکله د ملګروملتونو د امنیت شورا پریکړه لیک د فلسطینیانو حقوق او غوښتنې نه پوره کوي.
هغه وویل دغه پریکړه لیک په غزې تړانګې باندې نړیواله سرپرستۍ ورتپي او په غزې تړانګه کښې د نړیوال ځواک دیره کیدل به دغه ځواک بې پلوه پرې نه ږدي.
د حماس غورځنګ ویاند حازم قاسم وویل مونږ د اسرائیلو پرضد هرډول مقاومت جایز ګڼو او د وسلو په ځمکه د کیښودلو غوښتنه ردوو.
د ویلو ده چې د ملګروملتونو امنیت شورا د غزې تړانګې په هکله د امریکا د ولسمشر ډونالډ ټرامپ وړاندیز تصویب کړی دی.
د پاکستان په شمول دیارلسو هیوادونو د دغه وړاندیز په ملاتړ کښې رایې واچولې او روسیې او چین په رایو اچولو کښې برخه وانیخستله.
په دغه وړاندیز کښې په غزې تړانګه کښې د نړیوال ثبات ځواک دیره کیدل او په غزې کښې د موقته حکومت جوړیدل شامل دي.
په دغه نړیوال ځواک کښې به د انډونیزیا او د اذربایجان جمهوریت په شمول مسلمان هیوادونه شامل وي.
اسرائیل به سوکه سوکه له غزې تړانګې ووځي او د فلسطین روزل شوي پولیس ځواکونه به په سرحدي سیمو کښې خپلې دندې ترسره کړي.
