د ایران اسلامي جمهوریت به هرډول تیري ته غاښ ماتونکی ځواب ورکړي
زمونږ خبریال راپور راکړی په ملګروملتونو کښې د ایران دائمي استازي «امیر سعید ایرواني»وویل مونږ نه تاوتریخوالی او نه جنګ غواړو خو که چیرې تیری وشو نو غاښ ماتونکی ځواب به ورکړو.
په ملګروملتونو کښې د ایران دائمي استازي امیر سعید ایرواني د امنیت شورا غونډې ته په وینا کښې وویل چې د امریکا لخوا د ایران د حالاتو په اړه د ملګروملتونو د امنیت شورا د غونډې وربلل شرمونکي خبره ده.
هغه وویل ایران د روان میلادي کال د جنورۍ د میاشتې په اتمه او لسمه نیټه له داعش ډوله ترهګرۍ سره مخامخ شوی و.
امیر سعید ایرواني وویل چې د ایران د مدني ټولنې د استازیو په نوم د ملګروملتونو په امنیت شورا کښې د امریکا او د اسرائیلو اجنډا وړاندې شوه.
په ملګروملتونو کښې د ایران دائمي استازي امیر سعید ایرواني وویل ایران له ډيپلوماټیکو لارې د مسائیلو حل کیدل غواړي او که چیرې کوم هیواد نیغ په نیغه یا په غیر مستقیم ډول تیری وکړ نو ایران به سخت او غاښ ماتونکی ځواب ورکړي.
