د کرهڼې په برخه کښې د ايران او روسيې د ملګرتياو پراختيا
د ايران د کرهڼې د جهاد وزير او د روسیې د کرهڼې د اکېډېمۍ مشر د کرهڼې په برخه کښې د دواړو هېوادونو د ملګرتياو او ګډې پانګونې په په پراختيا تاکيد وکړ.
زمونږ د خبريال د رپوټ له مخې د ايران د کرهڼې د جهاد وزير کاظم خاوازي پرون په ماسکو کښې د روسيې د کرهڼې د اکېډيمۍ له مشر ولاديمير تراکناسچي سره په کتنه وويل: د ايران او روسيې ترمېنځ يو لړ تحقيقاتي او سائنسي زمينې موجودې دي او پکار دے د دوو اړخيز ملګرتيا د پراختيا په لړ کښې له دغه فرصته استفاده وکړې شي.
د روسيې د کرهڼې د اکېډيمۍ مشر هم په دغه کتنه کښې د ايران له پوهنتونونو او روزنيزو ادارو سره د ملګرتيا د معاهدو کولو غوښتنه وکړه او زياته يې کړه، مونږ د سلګونو کلونو لپاره د ايران او روسيې ترمېنځ په سائنسي په تېره بيا د کرهڼې په زمينو کښې د ملګرتياو د معاهدو لاسليکولو غوښتونکي يوو.
د ايران د کرهڼې د جهاد وزير د زيارت په ورځ د يو پلاوي په مشرۍ له روسيي چارواکو سره د کتنې او خبرو اترو لپاره ماسکو ته لاړ.
