امير عبداللهيان:
په سختو ورځو کښې د لبنان ملاتړاو ملګرتيا ته چمتو يوو
Oct 09, 2021 12:15 Asia/Kabul
د ايران خارجه وزير په يو ټوئيټ کښې وليکل، په سختو ورځو کښې د لبنان ملاتړاو ملګرتيا ته چمتو يوو.
د خارجه وزارت د اطلاع رسونې د عمومي ادارې د رپوټ له مخې حسېن امير عبداللهيان نن په خپل يو ټوئيټ کښې وليکل: د لبنان له لوړ رتبه چارواکو، د ګوندونو له مشرانو او پوهانو سره مو مهمې خبرې اترې کړې دي. هغه په دوام کښې وليکل؛ د لبنان د حزب ا... له مشر سره هم څو ساعته ګټورې صلاح مشورې اوشوې.
امير عبداللهيان په دغه ټوئيټري پېغام کښې زياته کړه، لبنانيانو ته مو د نوي حکومت په تشکيلولو مبارکي وويله او د ملګرتيا د پراختيا زمينه برابره ده.
د ايران خارجه وزير له لبناني چارواکو سره د کتنې او صلاح مشورې لپاره بيروت ته لاړ دے.
ټیګونه
