د ویانا په خبرواترو کې اوس یوازې د عمل وخت دی
د یوه مسئولیّت منونکي هیواد په توګه دایران اسلامی جمهوریت په کرتو وئیلي دي، دې ته په پام سره چې امریکا یو لوری ؤ چې د جامعې نړیوالې ایټمي موافقې خلاف ورزي ئې وکړه او دا واشنګټن دی چې باید د بندیزونو په ختمولو سره بیرته موافقې وګرځي او لازمه ده دامریکا دژمنو اجرا هم تائيد شي .
ایرناخبری آژانس راپور ورکړ، دایران داسلامی جمهوریت خارجه وزیر حسین امیرعبداللهیان بیګا په ویانا کې د روانو ایټمي خبرواترو په باب پخپل پيغام کې لویدیځوال دخپل تیر وخت ژمنو باندې عمل ته وبلل.
امیر عبداللهیان په دغه پیغام کې دې ته په اشارې سره چې د ویانا خبرواترو موخه یوې ښې موافقې ته رسیدل دی ، ولیکل ، لویدیځي لوري دې پوهه شي ، چې په تیرو اتو کلونو کې ډيرې زیاتې خبرې وشوې او ژمنې بې عمله پاتې شوې ، خو اوس د عمل وخت دی او مونږ د یوې ښې او جدي موافقې ته د رسیدا لپاره هڅه کوو .
د ایران خارجه وزیر زیاته کړې ، دایران د اسلامی جمهوریت ایټمي پروګرام په بشپړ ډول سوله ایز دی ، البته د لویدیځي لورو دایټمی ادعاګانو د اندیښنو لیرې کول ، د جامعې نړیوالې ایټمي موافقې د بندیزونو له بشپړ لیرې کولو سره مستقیم ارتباط لري.
هغه دخپل پیغام په پاي کې ووئیل ،که څه هم شک لرو چې آیا لویدیځوال اصولا د بندیزونو ختمولو ته تیار دي، یا دا چې یوازې د خپلو اندیښنو په یواړخیزختمولوپسې دي ،خو که لویدیځوال لوري ، دخبرواترو په دوام کې ،په ښه نیّت او د رغنده آئيډیاؤ او عمل په نوښت سره شتون ولری ، نو یقینا به د خبرواترو د چټک پرمختګ شاهدان ووسو .
داپه داسې حال کې دي ،چې د ایران او ۴+۱ ډلې ترمینځ د جامعې نړیوالې ایټمي موافقې په باب خبرې اترې بیګا په ویاناکې بیا ترسره شوي دي .د ایران مرستیال خارجه وزیر علی باقری کني په دغې ناستې کې دایران د وړاندیزونو په بیانولو سره ،په خبرواترو کې د ایران داسلامی جمهوریت پر جدیّت او ښه نیّت ټینګار وکړ . علی باقري دغه راز له دغې ناستې وروسته د اروپائي اتحادئې دبهرني سیاست دکمیشن دمشر له مرستیال آنریکه مورا،او داروپائي ټرائيکا د مرکچي پلاؤ له مشرانو سره هم لیده کاته وکړل. باقری کني همداراز له دغې غونډې مخکې د چین او روسیې مرکچي ټيمونو له مشرانو سره هم لیده کاته کړي وو .
د یوه مسئولیّت منونکي هیواد په توګه دایران اسلامی جمهوریت په کرتو وئیلي دي، دې ته په پام سره چې امریکا یو لوری ؤ چې د جامعې نړیوالې ایټمي موافقې خلاف ورزي ئې وکړه او دا واشنګټن دی چې باید د بندیزونو په ختمولو سره بیرته موافقې وګرځي او لازمه ده دامریکا دژمنو اجرا هم تائيد شي .
