عراق به د ایران او د عربستان د خبرو اترو کوربه وي
زمونږ خبریال وايي په عراق کښې د ایران د اسلامي جمهوریت سفیر ایرج مسجدي وویل بغداد به زر د سعودي عربستان او د ایران ترمینځ د خبرو اترو د پینځم (۵) پړاو کوربه وي .
هغه د لبنان له «العهد» ټیلي ويژن سره په مرکه کښې وویل عراق تراوسه د ایران او د عربستان ترمینځ د خبرو اترو د څلورو (۴) پړاونو کوربه و او زر به د پینځم (۵) پړاو کوربه هم وي .
په عراق کښې د ایران سفیر ایرج مسجدي د سعودي عربستان او د ایران سترو ظرفیتونو او پوټینشلونو ته په اشارې سره وویل د سیمې هیوادونه کولای شي خپل مینځي مشکلات د امریکا له دیکتو څخه لیرې حل کړي .
هغه د عراق د کورنیو حالاتو په هکله هم وویل د ایران اسلامي جمهوریت د عراق د سیاسي ډلو ترمینځ د هر ډول موافقې احترام کوي .
هغه له عراق څخه د کردستان سیمې د بیلیدا د ټولپوښتنې موضوع ختمه شوي مسله وبلله او ویې ویل د ایران اسلامي جمهوریت د عراق د ویشل کیدا مخالف دی .
