اسلامي ایران او عربستان خبرې ترسره کړي دي
نور نیوز راپور ورکړی د ایران د اسلامي جمهوریت او د سعودي عربستان د لوړرتبه استازیو ترمینځ د خبرو اترو پینځم (۵) پړاو د عراق په پلازمینې بغداد کښې وشو او د دواړو هیوادونو ترمینځ د اړیکو د له سره پیلیدا په هکله روښانه لرلید پکښې انځور شوی دی .
د عراق او د عمان حکومتونو د ایران او د سعودي عربستان د استازیو ترمینځ د ګډو غونډو په جوړولو کښې اغیز شیندونکی رول لرلی دی .
د ایران د ملي امنیت د لوړې شورا د سیکریټریټ لوړرتبه چارواکو او د سعودي عربستان د استخباراتي ادارې مشر د دواړو هیوادونو د واک لرونکو استازیو په توګه په غونډو کښې ګډون کړی دی .
د ایران او د عربستان د وروستۍ غونډې مثبتې فضا د اړیکو د له سره پیلولو لپاره د دواړو هیوادونو د ګامونو د ترسره کولو لپاره هیلې زیاتې کړي دي .
د ایران او د عربستان د استازیو ترمینځ د رغنده خبرو اترو او د مفاهمې فضا رامینځته کیدا ته په پام سره اټکل کیږي په نږدې راتلونکي کښې د تهران او د ریاض د خارجه وزیرانو ترمینځ د ګډې غونډې د ترسره کیدا زمینه برابره شي .
