د امام رضا علیه السلام د شهادت د کلیزې تسلیت ومنئ
نن د صفرې د میاشتې دیرشمه نیټه د حضرت امام رضا علیه السلام د شهادت کلیزه ده
د ایران اسلامي جمهوریت د نړۍ د مسلمانانو د اتم معصوم امام حضرت ثامن الحجج علي بن موسی الرضا علیه السلام د شهادت د کلیزې په شپه په ویر او مات کښې ډوب و
نن د صفرې د میاشتې دیرشمه نیټه د حضرت امام رضا علیه السلام د شهادت کلیزه ده.
امام رضا علیه السلام په ۱۴۸ قمري کال کښې په مدینې منورې کښې دنیا ته راغی او د ۲۰۳ قمري کال د صفرې د میاشتې په وروستۍ نیټه شهید کړی شو.
د دغه معصوم امام د ژوند او امامت پړاؤ د عصمت او طهارت اهل بیتو علیهم السلام ته د خلکو د ګروهنې د اوج اخیستو او د رسول ا... مبارک د کورنۍ د ولسي اډو د پراخیدو دوران و.
امام رضا علیه السلام ته د خلکو د ګروهنې په زیاتیدو سره عباسي واکمن مامون په یوې دسیسې سره دوي ته زهر ورکړل او شهید یې کړ.
مونږ هم د ایران د راډیو او ټیلیویژن د ادارې په استازیتوب د نړۍ ټولو مسلمانانو او پتمنو ولسونو او په تیره بیا خپلو ګرانو اوریدونکو ته په دې اړه تسلیت او تعزیت وایو.
