ایران د ځمکنۍ بشپړتیا په هکله له چا سره ټوکه نلري
زمونږ خبریال وايي د ایران د اسلامي شورا نائب رئیس په دې خبرې سره چې درې ګوڼه جزیرې په مطلق ډول د ایران د اسلامي جمهوریت دي ټینګار وکړ ایران د خپلې ځمکنۍ بشپړتیا پر سر له هیڅ هیواد سره شوخي نلري.
د فارس خلیج د ملګرتیا د شورا غړیو هیوادونو او چین د خپلې درې څلویښتمې سرمشریزې چې په ریاض کښې وشوه په پاییزې بیانیې کښې یوځل بیا د ایران د دریو جزیرو په هکله د متحده عربي اماراتو تکراري ادعا مطرح کړه.
د ایران د اسلامي شورا نایب رئیس علي نیکزاد په ننۍ ښکاره غونډې کښې په دې خبرې سره چې ایران له دې خبرې سره چې د جمال خاشقچي قاتل ، د داعش معنوي پلار او د امریکا د شیدو غوا(عربستان) د نړۍ له بیلابیلو هیوادونو سره تجارتي تړون لاسلیک کړي هیڅ مشکل نلري وویل تهران هیڅ هیواد ته دغه حق نه ورکوي چې د اقتصادي اړیکو په سیوري کښې د ایران د دریو جزیرو په هکله لافې ووهي.
نیکزاد په دې خبرې سره چې په دریو جزیرو باندې د ایران د اسلامي جمهوریت د مطلقې واکمنۍ ثابیتیدل حتی د ملګروملتونو سندونو او د نړیوالو تړونونو او حقوقو باندې غور کولو ته ضرورت نلري وویل لږ شان د نړۍ زړو نقشو په لیدو او د میوزیمونو په کتلو سره کافي ده چې ثابته شي چې دلته فارس خلیج دی نه یو ټکی کم او نه یو ټکی زیات او دغه درې جزیرې بو موسی ، ستر تنب او کوچنی تنب په مطلق ډول د ایران د اسلامي جمهوریت دي.
د ایران د اسلامي شورا نائب رئیس علي نیکزاد د ایران د اسلامي جمهوریت د حکومت سیاست نه سلطه پال او نه سلطه منونکی وباله او ویې ویل له ګاونډیو هیوادونو سره د ښه ګاونډيتوب سیاست تل د ایران د اسلامي جمهوریت په خارجي سیاست کښې د یوه ثابت اصل په توګه مطرح دی او د ایران اسلامي نظام ثابته کړي ده تل د خپلو ګاونډیو هیوادونو لپاره یو ستر ملاتړی او یو دوست و او دی.
