د ایران او د پاکستان ترمینځ موافقه لاسلیک شوه
ایرنا خبري اژانس راپور راکړی په کویټه ښار کښې د ایران د اسلامي جمهوریت او د پاکستان د سرحدي تجارت د ګډې کمیټۍ د لسمې(۱۰) دوه ورځنۍ غونډې له ختمیدا سره په یووخت د ګمرکاتو د ساعتونو د زیاتیدا او د سرحدي ملګرتیاو د پیاوړتیا په چورلیزتوب سره د دغه غونډې موافقه لاسلیک شوه.
د پاکستان او د ایران اړیکې د پاکستان د خپلواکۍ د تاریخ په اندازه مخینه لري او په تیرو کلونو کښې په بیلابیلو برخو کښې د تهران او د اسلام اباد اړیکې مخ په ودې دي.
د سرحدي موافقې د لاسلیک کیدا مراسم په کویټه کښې د ایران د سرکنسول حسن درویش وند په شمول د ایران او د پاکستان د پلاویو د غړیو په ګډون سره لاسلیک شوه.
د ایران د جنوب ختیځ د سیستان و بلوچستان ولایت د صنعت د معدن او د تجارت د چارو مسوول ایرج حسن پور او د پاکستان د بلوچستان صوبې د ګمرګو یعني کسټم مشر عبدالقادر میمن د دواړو هیوادونو د پلاویو د مشرانو په توګه د سرحدي تجارت د ګډې کمیټۍ لسمه موافقه لاسلیک کړه.
