رئیسي:
د ایران او بنګلادیش اړیکې ژورې دي
د ایران د اسلامي جمهوریت ولسمشر د دواړو اسلامي هیوادونو اړیکې ژورې وبللې او دواړه هیوادونه یې د زاړه تمدن څښتن وګڼل.
د ولسمشریزې ماڼې له راپور سره سم، د ایران ولسمشر سید ابراهیم رئیسي په تهران کې د بنګلادیش د نوی سفیر کریم خان چودری د باورلیک د لاسلیکولو پر مهال تجارت او اقتصاد د ایران او بنګلادیش تر مینځ د اړیکو د پراختیا تر ټولو مهم ډګر وبلل.
رئیسي د دې په بیانولو چي د ایران او بنګلادیش تر مینځ د اړیکو اوسنۍ سویه ظرفیتونو ته په کتو سره، د منلو وړ نه ده، د دواړو هیوادونو تر مینځ د سوداګریو د یو میلیارد ډالریز هدف د ټاکل کېدو غوښتونکی شو.
د بنګلادیش نوی سفیر منجورول کریم خان چودري هم دغه ملاقات کې د ایران او د بنګلادیش د ولسونو تر مینځ ژورو فرهنګي او مذهبي پیوندونو ته په اشارې سره، د سوداګریزو اړیکو د پراختیا په ضرورت ټینګار وکړ او وویل:
له ګاونډیو، اسلامي او سیمې هیوادونو سره د اړیکو د پراختیا په لړ کې د ایران د حکومت د بهرني سیاست بریالیتوبونه د پام وړ دي،