د اسلامي انقلاب معظم رهبر
ځوان نسل باید د نوښتګرو تبلیغاتو د توجه مرکز وي
د اسلامي انقلاب ستر لارښود وویل: ځوان نسل د هیواد د راتلونکي د جوړوونکو او مالکانو په مقام کې، باید د نوښتګرو او په نویو وسایلو اوطریقو ولاړو تبلیغاتو د پاملرنې مرکز وګرځیږي.
د ایت الله خامنه ای د دفتر د راپور له مخې د اسلامي انقلاب مشر نن د محرم د میاشتې په درشل کې د علمیه حوزې له فاضلانو، طلابو او مبلغانو سره په کتنه کې، پر څېړنې ولاړ تبلیغاتي فعالیتونو ته د هیواد ضرورت تر اوسنیو فعالیتونو ډېر زیات وباله او د د تبلیغ او د هغه د ظرایفو په باره کې د قران مجید په مختلفو ایتونو په استناد سره یې وویل: د خدای دین په خلکو کې له صحیح تبلیغ پرته پرځایښت نه مومي.
د وي په علمیه حوزو او د لویو عالمانو په سیرت کې د تبلیغ د پخوانیو طریقو اهمیت ته په اشارې سره وویل: د حوزو په دندو کې د تبیلغ لومړیتوب د اسلامي جمهوریت له جوړېدو وروسته دوه ګونی شو ځکه چې پر دین د متکي سیاسي نظام راتګ له اسلام سره د مستکبرانو دښمني زیاته کړې ده.
د رهبرۍ ستر مقام د خلکو ایمان د اسلامي نظام د ټینګښت ستنه وبلله او وې ویل: د نظام ساتنه او په حقیقت کې د خلکو د ایمان ساته تر ټولو لوی واجب دی د دې په ترڅ کې چې په اوسنۍ زمانه کې تبلیغات په علم او د وسایلو په تېره بیا د انټرنیټ او مصنوعي هوش په زیاتېدو او نویو طریقو په تکیې سره ډېر زیات شوی دی پر دې اساس عقل حکم کوي چې د دښمنانو د تبلیغاتو د خونړیو تورو پر وړاندې تبلیغ تر ټولو لومړی لومړیتوب دی.