په چین کې د ایران سفیر :
ایران او چین په مختلفو ډګرونو کې خپلې همکارۍ پراخوي
په چین کې د ایران د اسلامی جمهوریت سفیر د دې هیواد د بهرنیو چارو د وزارت له مرستیال سره، په ملاقات کې وویل: تهران د دواړو هیوادونو د مشرتابه و تر مینځ د اجماع په موخه بیجینګ سره خپلې اړیکې پراخوي.
ایران او چین په تېرو کلونو کې په دریو ډګرونو یعني سیاسي ـ اقتصادي، دفاعي او جئوپولیټیک برخو کې خپلې اړیکې پراخې کړي دي چي د ۲۵ کلونو همکاریو استراتیژیک سند هم په دغه چوکات کې د دواړو هیوادونو تر مینځ لاسلیک شوی دی.
په چین کې د ایران د اسلامي جمهوریت نوی سفیر محسن بختیار تېره ورځ د چین د بهرنیو چارو د وزارت له مرستیال دنګ لی سره، په کتنه کې ټینګار وکړ چي ایران د چین د یوې لارې یو کمربند له پروژې څخه ملاتړ کوي او غواړي په دغه طرحه کې چین سره ملګرتیا وکړي.
د چین د خارجه وزارت مرستیال هم وویل: تهران د بیجینګ استراتیژیک ملګری دی او چین له ایران سره د اړیکو پراختیا د خپل بهرني سیاست لومړیتوب ګڼي.
