ایران: د اتباعو د بچیانو تعلیم مونږ ته ډېر مهم دی

د ایران د ښوونې او روزنې وزیر خبریالانو ته ویلي د اتباعو زده کوونکو تعلیم مونږ ته ډېر مهم دی او په دې لاره کې به ستونزې هوارې کړی شي.

د فارس خبري اژانس د افغانستان سایټ د راپور له مخې علی رضا کاظمي  خبریالانو ته وویل: د اتباع زده کوونکو تعلیم مونږ ته ډېر مهم دی. دا امنیتي ، تربیتي او تعلیمي  مسایلو سره اړوندیږي باید دغه ټولو مسایلو ته پام وکړو.

 هغه زیاته کړه: په دې پسې یوو چې د ځینو کسانو چې په غیر قانوني او غیر مجاز توګه زمونږ میلمانه دي ستونزې او اندیښنې په مناسب ډول هوارې کړو. دم ګړۍ د سریزو په برابرولو لګیا یوو او د اندیښنې خبره نیشته.

په افغانستان کې واک ته د طالبانو له رسېدلو وروسته ځینې افغان کډوال ایران ته راغلل او د  دغه کډوالو بچیان په ایرانیو ښوونځيو کې په تعلیم بوخت دي.