په نړۍ کې له وینو بهونکو جنایتکارو ملاتړ دامریکااصلی ماهیّت دی
زمونږخبریال راپورراکړ د تهران دجمعې لمانځه خطیب آیت ا... محمد علی موحدی کرمانی نن د جمعې لمانځه په خطبو کې ووئیل ، امریکا هره ورځ خپل جنایتونه زیاتوی او په نړۍ کې له قاتلانو ،جنایتکارو او وینو بهونکو څخه ملاتړ د دغه هیواد لپاره یوه عادی چاره شوې ده .
هغه دعراق دپوځ اوولسی مبارزځواک په لاس دموصل ښآر آزادولو ته اشاره وکړه او وې ویل دموصل دآزادولو پیغام دادی چې که ولس دستمګرانو او جنایتکارو په وړاندې مقاومت وکړی ، نو خداوندمتعال هم ورسره مرسته کوی .
آیت ا...موحدی کرمانی په عراق او سورئې کې د داعش تفکیری ډلې په ترهه ګرو کې دنړۍ د۸۶هیوادونو دلسګونو ترهه ګرو شتون ته په اشارې سره هم ووئیل ، دصهونیسټ رژیم پشمول له تکفیری ترهه ګرو اوجنایتکارو ملاتړ دامریکا اصلی ماهیّت دی .
هغه همداراز د ایران دوسله وال ځواک دفاعی اوپوځی اقتدار ته په اشارې سره هم ووئیل امریکائی چارواکی دپرمختللو دفاعی تجهیزاتو او په سورېئ کې د داعش ترهه ګرې ډلې پرمرکزونو اومورچلو باندې دسپاه پاسدارانو دتوغندوی حملې په څیر د ایران داسلامی جمهوریت دوسله وال ځواک په پوځی اقتدار اعتراف کړی دی اود ایران پوځی قدرت دخپل هیواد یو غوره چیلنج ګڼی .
آيت ا...موحدي کرماني همداراز داقتصادي دباؤنو په اعمالولو کې د واشنګټن ایراني ضد اقداماتو ته اشاره وکړه اوزیاته ئې کړه ، دایران ولس په تیرو څلورو لسیزو کې په مقاومت سره ټول دباؤنه زغملي او دایران داسلامی جمهوری نظام څخه ئې بشپړ ملاتړ کړی دی .
دتهران دجمعې لمانځه موقته خطیب په امریکا دنړۍ دهیوادونو دبې اعتمادۍ دعلت په باب هم ووئيل ، دمصر پشمول په امریکا د هیوادونو داعتماد نتیجه خیانت دی ، ځکه واشنګټن دملتونو لپاره هیڅ ګټه او بریا پخپلو موخو کې نه ده شامله کړې .
