عراقچی وایی د لویدیځې اسیا تسلیحاتی بهیر اندیښمنونکې دې
ښاغلی عراقچی د دې خبرې په کولو سره چی صیهونیسټ رژیم له ۸۵ تر ۴۰۰ پورې ایټمی خولۍ لری ، وویل له ایټمی وسلو دخالی مینځتی ختیځ ایډیا له اویایمې لسیزې په سیمه کې مطرح وه او ایران او مصر د دغې ایډیا بنسټ ایښودونکی دی
د ایرنا له راپور سره سم د ایران د خارجه وزیر د نړیوالو او حقوقی چارو مرستیال سید عباس عراقچی نن په تهران کې د اسیا د لویدیځ د سیمه ایز امنیت او تسلیحاتی بهیرونو په نړیوالو سیمینار کی وویل د اسیا په لویدیځ کې د وسلو تر ټولو ستر اخیستونکی عربستان ، قطر ، امارت او ترکیه دی چی له امریکا دغه وسلې اخلی .
عراقچی وویل د اسیا لویدیځ د نړۍ د وسلو په تر ټولو ستر بازار بدل شوی دی او په دغه سیمه کې هیوادونو ترمینځ د درندې تسلیحاتی سیالۍ شاهدان یو .
ښاغلی عراقچی د دې خبرې په کولو سره چی صیهونیسټ رژیم له ۸۵ تر ۴۰۰ پورې ایټمی خولۍ لری ، وویل له ایټمی وسلو دخالی مینځتی ختیځ ایډیا له اویایمې لسیزې په سیمه کې مطرح وه او ایران او مصر د دغې ایډیا بنسټ ایښودونکی دی ، په عین حال کی صیهونیسټ رژیم اصلی خنډ وو چی اجازه یې ورنکړه له ایټمی وسلو د خالی مینځنی ختیځ سیمه بڼه غوره کړی .
د ایران د خارجه وزیر مرستیال د دې خبرې په کولو سره چی برجام داسې موافقه ده چی د نه خپریدا په حوزه کې شوی ده ، زیاته کړه په سیمه کې دایټمی موافقې لپاره بل هیڅ جایګزین یا ځای ناستې نشته دی .
