اروپايي اتحادیې ته د ایران صادرات له اوو میلیارډ يورو واوښتل
Nov 19, 2017 10:44 Asia/Kabul
د برجام په اجرايي کیدو سره د اروپايي اتحادیې د غړو په شمول نورو هیوادونو سره د ایران تجارتي اړیکې ډیرې ښې شوې دي.
له ایران څخه د اروپايي اتحادیې واردات د روان ۲۰۱۷ کال په اولو نهو میاشتو کښې د تیر کال د ورته مودې په پرتله په ۱۰۷ سلنه ودې سره اوه میلیارډ او دوه سوه دوه پنځوس میلیون یورو ته ورسیدل.
تسنیم خبري آژانس د اروپايي کمیشن د خبري سایټ له قوله لیکلي چې له ایران سره د اروپايي اتحادیې سوداګریزې راکړې ورکړې هم دروان میلادي کال په وړومبیو نهو میاشتو کښې ۶۲ فیصده زیاتې شوې دي.
د ۲۰۱۶ کال په جنورۍ میاشت کښې د ایټمي موافقې یا برجام په اجرايي کیدو سره د اروپايي اتحادیې د غړو په شمول نورو هیوادونو سره د ایران تجارتي اړیکې ډیرې ښې شوې دي.
ټیګونه
