په آسټریا کښې د ایران د سفیر په کور حمله شوې
د ایران د بهرنیو چارو د وزارت ویاند په دې خبرې سره چې په آسټریا کښې د ایران د سفیر په کور باندې د برید کونکي کس هویت نه دی معلوم، وویل: د آسټریا پولیس د دې موضوع په څیړنه لګیا دي.
پرون مازیګر په آسټریا کښې د ایران د سفیر په کور باندې یو کس د سړې وسلې حمله کړې چې د سفیر د کور د ساتونکي لخوا شنډه کړی شوې او بریدګر وژل شوی دی.
په دې هکله د ایران د بهرنیو چارو د وزارت ویاند په دې خبرې سره چې په آسټریا کښې د ایران د سفیر په کور باندې د برید کونکي کس هویت نه دی معلوم، وویل: د آسټریا پولیس د دې موضوع په څیړنه لګیا دي.
بهرام قاسمي نن ایسنا خبري آژانس ته په مرکه کښې څرګنده کړه: د ابتدایي رپورټونو له مخې بیګا ماښام یو ۲۶ کلن ځوان چې ظاهراً د آسټریا تابعیت لري، په سړې وسلې سره په آسټریا کښې د ایران د سفیر د کور په ساتونکي د چاقو حمله وکړه خو ساتونکي هم له زخمي کیدو وروسته په بریدګر ډزې وکړې او هغه یې ووژه.
قاسمي زیاته کړه چې له پيښې سمدستي وروسته د آسټریا پولیس ځواکونه سیمې ته ورسیدل او زخمي شوی ساتونکی هم د درملنې لپاره روغتون ته ورسول شو.
د ایران د خارجه وزارت ویاند په دې خبرې سره چې په دې حمله کښې د ایران سفیر یا یې کور او کورنۍ ته هیڅ تاوان نه دی رسیدلی، څرګنده کړه: د آسټریا پولیس د دې حملې جاج اخلي او ټاکل شوې چې ډیر زر نور معلومات راکړي.
