د ايران په خلاف بائيکاټ او دباو هيڅکله نه دے کامياب شوے
د ايران خارجه وزير د ايران په خلاف د صهيونېسټ رژيم او امريکې ګواښونو ته په اشارې سره تاکيد وکړ، د ايرانيانو په خلاف د بائيکاټ او دباو سياست هيڅکله نه دے کامياب شوے او پکار دي د ايران له خلقو سره له دباو، ګواښ او بائيکاټ نه په پاکه ژبه خبرې وشي.
د ايرنا د رپوټ له مخې محمد جواد ظريف د چائنا ګلوبل ټي وي چېنل له انګرېزۍ څانګې سره په مرکه کښې دې ته په اشارې سره چې د يو بل احترام او اعتماد د خبرو اترو د نتيجې ورکولو شرط دے تاکيد وکړ، د ايران او امريکې ترمېنځ خبرې اترې پکار دي له حقيقت پسندۍ سره ملې وي، ځکه چې يوازې خبرې اترې څه مشکل نه شي هوارولې.
جواد ظريف په نيويارک کښې د هغه او د امريکې د خارجه وزير مائک پومپيو د کتنې د امکان په باره کښې تاکيد وکړ، د امريکې چارواکو چې په سر ک ښې يې د دغه هېواد ولسمشر ډونالډ ټرمپ دے د برجام په خلاف ورزۍ او يو نړيوال سند ته په بې پامۍ سره وښودله چې متقابل اعتماد ته څه پاملرنه نه کوي او نړيوال تړونونه او معاهدط هم د ځان لپاره بې اعتباره بولي.
د ايران خارجه وزير د دغې مرکې په يوه بله برخه کښې د ايران او چين تعلقاتو ته په اشارې سره وويل، دواړه هېوادونه په مختلفو ډګرونو کښې ډېر مضبوط تعلقات لري
