ظريف: ايران به خپل پرمختګ ته دوام ورکړي
د ايران د بهرنيو چارو وزير د ايران په خلاف د امريکې د خارجه وزير د څرګندونو په ردعمل کښې تاکيد وکړ: ايران به خپل پرمختګ ته دوام ورکړي
د امريکې خارجه وزير مائک پومپئو له سپکاوي نه په ډکو څرګندونو کښې وويل: ايران که غواړي چې ولس يې ډوډۍ وخوري د امريکې خبرې ته دې غوږ کيږدي.
محمد جواد ظريف پرون ماښام په خپله ټوئيټر پاڼه کښې وليکل: د امريکې خارجه وزير په ايران باندې د خپلو تخيلاتو د تپلو لپاره په يو مايوسانه کوشش کښې په ډاګه د ايران خلق په لوږه ګواښي چې د بشريت په خلاف يو جنايت دے.
ظريف زياته کړه: د امريکې خارجه وزير به هم د خپلو تېرو کسانو په شان زده کړي چې د امريکې د کوششونو باوجود ايران نه يوازې خپل ژوند ته دوام ورکوي بلکه د خپل حاکميت د حق له قرباني کولو نه بغېر به خپل پرمختګ ته دوام ورکړي.
د امريکې ولسمشر ډونالډ ټرمپ د روان ميلادي کال د مۍ په اتمه نېټه له برجامه د واشنګټن وتل او په دوو دورو کښې د ايران په خلاف د اېټمي بائيکاټونو ستنول اعلان کړل.
د دغو بائيکاټونو وړومبۍ دوره د اګست له اومې او دويمه دوره د نومبر له پينځمې څخه اجرا شوه.
له برجامه په وتلو او د ايران په خلاف د بائيکاټونو په بيا لګولو کښې د امريکې اقدام له براخو نړيوالو غندنو سره مخامخ شوے دے.
